പെരുവള്ളൂർ
ഗ്രാമ പഞ്ചായത്ത്

മലപ്പുറം ജില്ലയിലെ തിരൂരങ്ങാടി താലൂക്കില്‍ തിരൂരങ്ങാടി ബ്ലോക്കിലാണ് പെരുവള്ളൂര്‍ ഗ്രാമപഞ്ചായത്ത് സ്ഥിതി ചെയ്യുന്നത്. 2000 ഒക്ടോബര്‍ 2-ന് രൂപീകൃതമായ പഞ്ചായത്തിന് 21.19 ച.കി.മീ വിസ്തീര്‍ണ്ണമുണ്ട്. 90% സാക്ഷരത കൈവരിച്ചിട്ടുള്ള ഈ പഞ്ചായത്തിന്‍റെ ആകെ ജനസംഖ്യ, 18058 സ്ത്രീകളും 16883 പുരുഷന്മാരുമടക്കം 34941 ആണ്. ഭൂപ്രകൃതിയനുസരിച്ച് ഇടനാട് മേഖലയില്‍ വരുന്ന പഞ്ചായത്തിലെ പ്രധാന കൃഷി നെല്ല്, തെങ്ങ്, മരച്ചീനി എന്നിവയാണ്. 35 കുളങ്ങളും 40 പൊതുകിണറുകളും പലവിധ ജലസ്രോതസ്സുകളില്‍ ഉള്‍പ്പെടുന്നു. ഈ പഞ്ചായത്തിലെ നിരത്തുകളെ രാത്രി കാലങ്ങളില്‍ സഞ്ചാര യോഗ്യമാക്കുന്നതിന് 1417 വഴിവിളക്കുകള്‍ സ്ഥാപിച്ചിട്ടുണ്ട്. പഞ്ചായത്തില്‍ നിന്ന് വേഗത്തില്‍ എത്തിച്ചേരാവുന്ന വിമാനത്താവളം, റെയില്‍വേ സ്റ്റേഷന്‍, തുറമുഖം എന്നിവ യഥാക്രമം കരിപ്പൂരും, പരപ്പനങ്ങാടിയും, ബേപ്പൂരുമാണ്. ചെമ്മാടും കൊണ്ടോട്ടിയുമാണ്...